(كاكه حمه ) قصيدة شعبية عراقية تنتشر من الشمال الى الجنوب وتدفع البارزاني للتهديد بالانفصال

يوم امس وما قبله اُشتهرت من جنوب العراقي قصيدة شعبية لشاعر الجنوب سمير صبيح عنوانها كاكا حمه : القصيدة على مايبدو كانت بليغة الاثر وتردد انها تسببت في غضب مسعود البارزاني لدرجة انه هدد بالاقدام على الانفصال :

ها كاكه حمه كلش ضميرك مات

اولا ذرة خجل خليت بعيونك

حلبجه ابكل فرع عند اهلي بالأنبار

دمهم ماي عندك ما يهزونك

والاف الجثث تتناثر ابغداد

كركوك التهمك ما يهمونك

ها كاكه حمه

ها كاكه حمه اخذ الكراع ونام

وبالك على الذراع تكلب اعيونك

دمك ما حمه حتى الأمان يعود

وانته على الشفايف شار سنونك

دبكاتك حمه فوك الضلوع اتدوس

بضلوع الوطن دبكات خي عونك

حمه البيت احترك خليني اطفي النار

اوخل انجر نفس وانطيني ما عونك

ها كاكه حمه

كل عقلك حمه كركوك لكمه اتروح

ما ودع شحم بسنون بزونك

لا تغلط حمه تمشي بدرب متعوس

وجد وين دربك لا يتيهونك

امس من حشمتني من طبت الأتراك

عند عينك كلت ما يمسونك

وانته العلم تستنكف اتخليه

أذا مو اني يمك ما يهابونك

غربيه اوجونوب البرلمان الجاي

بعون الله العزيز انخيب اضنونك

يوسف ياوطن وبيرك نفط كركوك

ما حاجه القميصك من يذبونك